သိပ္ပံသမား

နယူးယောက်သို့သွားမည့် ရထားပေါ်တွင် သိပ္ပံပညာရှင်တစ်ဦး စီးနင်းလိုက်ပါလာရာ ၎င်းတို့နှင့်အတူ ဘေးချင်းယှဉ်လျက်တွင် လယ်သမားတစ်ဦး လိုက်ပါလာသည်။ သိပ္ပံပညာရှင်သည် လယ်သမားကို စိတ်ဝင်စားသည်လည်းတစ်ကြောင်း၊ ပျင်းပျင်းရှိသည်ကလည်းတစ်ကြောင်းကြောင့် လယ်သမားနှင့် အမေးအဖြေဂိမ်းတစ်ခု ကစားရန်ဆုံးဖြတ်လိုက်ပြီး - “ခင်ဗျားကိုကျွန်တော်က မေးခွန်းတစ်ခုမေးမယ်။ ပြီးရင်ခင်ဗျားကပြန်မေး။ ကျွန်တော်ဖြေတာမှားရင် ခင်ဗျားကို ၁၀ ဒေါ်လာပေးမယ်။ ခင်ဗျားမှားရင် ၁ ဒေါ်လာ ပဲပေးရမယ်။ ဘယ်နှယ့်လဲ” ဟုလယ်သမားအား မေးလိုက်လေသည်။ လယ်သမားက ခေတ္တစဉ်းစားလိုက်ပြီးနောက် သဘောတူလိုက်ကာ “ကောင်းပြီလေ။ ဒါဆိုကျွန်တော်စပြီး မေးခွန်းထုတ်မယ်။ ‘ခြေ ၃ ချောင်းပါပြီး အုန်းပင်ပေါ်တက်ရင် ၁၀ နာရီလောက်ကြာတဲ့ သတ္တ၀ါဟာဘာလဲ’ ဟုမေးခွန်းထုတ်လိုက်လေသည်။ သိပ္ပံပညာရှင်လည်း မေးခွန်းကိုဖြေနိုင်ရန် အကြိတ်အနယ် စဉ်းစားလေသည်။ အမျိုးမျိုးစဉ်းစားသော်လည်း အဖြေမရဖြစ်နေကာ ရထားမှာ နယူးယောက်ဘူတာ ဆိုက်ခါနီးလာလေပြီ။ ထိုအခါမှ သိပ္ပံပညာရှင်က ၁၀ ဒေါ်လာ ထုတ်ပေးကာ လယ်သမားအား “ကျွန်တော်မဖြေနိုင်ဘူး ရော့ဒီမှာ ၁၀ ဒေါ်လာ။ ခင်ဗျားပြောတာ ဘာသတ္တ၀ါလဲ” ဟုလယ်သမားအားမေးရာ လယ်သမားက “ကျွန်တော်လည်းမသိဘူး။ ရော့ဒီမှာ ၁ ဒေါ်လာ” ဆိုကာ ၉ ဒေါ်လာ အိတ်ကပ်ထဲထည့်၍ ရထားပေါ်မှ ဆင်းသွားလေသည်။