မျက်နှာမှာ စကား လက်ဖျားမှာ ခံစားမှု

စကားလုံးများသည် တစ်ဦးနှင့်တစ်ဦး ဆက်သွယ်မှု၊ ဆက်ဆံမှု၌ အဓိကဟု ယူဆလေ့ရှိကြသည်။ အထိုက်အလျောက် မှန်ကန်သော်လည်း တစ်ဦးနှင့်တစ်ဦး နားလည်သွားကြခြင်း၊ သဘောပေါက်သွားကြခြင်းများ၌ အခြားအရာများလည်းရှိပါ၏။ စကားလုံးများသည် တစ်စုံတရာကို ကိုယ်စားပြုထားခြင်းသာဖြစ်၏။

စကားလုံးများသည် တစ်ဦးတစ်ယောက်၏ စိတ်အခြေအနေကို ဖော်ပြသည်ဟု သာမန်ပြော၍ မရပေ။ စိတ်အခြေအနေကို ထုတ်ဖော်ရာတွင် အခြားအရာများလည်း ပါဝင်နေသေးသည်။ ကိုယ်အမူအရာ၊ မျက်နှာအမှုအရာ၊ အမူအကျင့်များသည် စိတ်အခြေအနေကို တစ်နည်းတစ်ဖုံ ဖော်ပြတတ်သည်။ စကားလုံးများထက်ပို၍ အဓိပ္ပာယ်လေးနက်၏။

အမူအရာ၊ အမူအကျင့်သည် တစ်ဦးတစ်ယောက်၏ အတွင်းစိတ်ကို လုံးဝဖော်ဆောင်သည်ဟုလည်း အပြည့်အဝပြော၍မရပေ။ တစ်ဝက်ဖော်ထုတ်ကာ တစ်ဝက်က သိုဝှက်ထားတတ်သေး၏။ သို့သော် အမူအကျင့် အမူအရာဖြင့် တစ်ဦးတစ်ယောက်၏ ဗီဇစိတ်အတွင်းဓာတ်ကို ရိပ်မိသိရှိနိုင်သည်။ စကားလုံးနှင့်မဟုတ်ဘဲ လက္ခဏာ၊ သင်္ကေတနှင့် သိရခြင်းဖြစ်သည်။

သည်းခံတတ်သောသူနှင့် သည်းခံမှုကို အလေ့အကျင့်ပြုလုပ်ထားသူနှစ်ဦးသည် လုံးဝမတူသည့်အပြင် အရှေ့နှင့်အနောက်ပမာ သီးခြားဖြစ်၏။ သည်းခံနိုင်ခြင်းကို ရင်ဝယ်ပိုက်ထားသူ၏ အမူအရာ၌ သည်းခံခြင်းနောက်ကွယ်၌ မည်သည့်အရာမျှမရှိ၊ သူ့သဏ္ဌာန်ကိုယ်တိုင်က တည်ငြိမ်အေးချမ်းနေ၏။ သည်းခံမှုကို အလေ့အကျင့်လုပ်ထားသူကား သည်းခံနေရသော်လည်း သူ့အမူအရာ၌ မတတ်သာ၍၊ အားမတန်၍၊ တစ်ချိန်၌တန်ပြန်လိုသည့် အမူအရာများတွေ့ရနိုင်သည်၊

တစ်ဦးနှင့်တစ်ဦး ဆက်ဆံမှု၌ မူလအခြေခံသည် စကားမဟုတ်ဘဲ၊ အမူအရာသာဖြစ်သည်ဆိုလျှင် တွေးဆစရာပင်ဖြစ်ပါ၏။ ဝမ်းသာခြင်းနှင့် ကျေနပ်ခြင်းသည် စကားလုံးအဓိပ္ပာယ်တူ၏။ အမူအရာ၌ သိသာစွာကွာခြားသည်ကို တွေ့ရပေမည်။ ခံစားမှု အမူအရာနေရာ၌ စကားလုံးများက အစားထိုးထားခြင်းသာဖြစ်ပါ၏။

ဆက်ဆံမှု၌ အသုံးပြုသော အချို့စကားလုံးများသည် တာဝန်အရ အသုံးပြုသည့်အခါလည်း ရှိတတ်သည်။ တစ်ဘက်က တာဝန်အရပြောသည်ကို အခြားတစ်ဘက်ကလည်း တာဝန်အရ ပြောမှန်းသိကြသည်။ ထိုသို့သိသည့်အခါ အဆိုပါစကားလုံးများကို အလေးမထား။ မေ့ပစ်တတ်ကြသည်။ စကားလုံးများနောက်ကွယ်၌ တာဝန်ဆိုသောအရာက ရှိနေပြန်သည်။

စိတ်ဆိုး ဒေါသထွက်စရာမလိုဘဲလျက်၊ စကားလုံးဖြင့် ဒေါသထွက်သည်။ ဒေါသထွက်စရာဖြစ်ရပ်အတွက် စကားလုံးကိုလျှော့၍ အသုံးပြုသည့်အခါလည်းရှိသည်။ ဒေါသစကားလုံးနောက်ကွယ်မှ တာဝန်ဆိုသည့်အရာကိုသိသည့်အခါ၊ နားထောင်သူတို့ကလည်း တာဝန်အရ နားထောင်ကြသည်။ ဆက်ဆံရေးသည် ရှုပ်ထွေးတတ်၏။

သိသာသော ဖြစ်ရပ်တစ်ခုရှိပါသည်။ တရုတ်နိုင်ငံကို ကုလသမဂ္ဂသို့ ဝင်ခွင့်ပြုသည့်အခါ အမေရိကန်နိုင်ငံမှ ဝါရင့်သက်တမ်းရှည်အမတ် မိုက်မင်းဖိစ်က အလွန်စိတ်ဆိုးဒေါသထွက်သည့်ဟန်နှင့် ကုလသမဂ္ဂအဖွဲ့ကြီး၏ဌာနချုပ်ကို အမေရိကန်နိုင်ငံမှ ရွှေ့ပေးရမည်ဟု တောင်းဆိုသည်။ သူကဲ့သို့ ပုဂ္ဂိုလ်ကြီးက ထိုစကားမျိုးပြော၍ လူအတော်များများက အံ့အားသင့်ကြသည်။ တာဝန်အရ သူပြောခြင်းဖြစ်သည်။

လွှတ်တော်အမတ် တစ်ယောက်အနေနှင့် သူ့အားမဲပေးထားသော မဲဆန္ဒရှင်များ၏ ဆန္ဒကို သိသာစွာ ထုတ်ဖော်ပြောလိုက်ခြင်း ဖြစ်သည်။ မဲဆန္ဒရှင်များကလည်း ကျေနပ်သည်။ သူလည်းတာဝန်ကျေသည်။ ထိုစကားအပေါ် တရုတ်တို့ကလည်း စိတ်မဆိုးဒေါသမထွက်၊ မည်သူကမျှလည်း ယင်းကိစ္စကို အလေးတယူမဆောင်ရွက်။ တာဝန်အရပြောခြင်းသာဖြစ်ကြောင်းကို သိထားကြ၍ဖြစ်သည်။

အချို့သော ဆက်ဆံမှု၌ ဟန်ဆောင်စကားများတွင်တွင်ကြားရသည်။ ထပ်တလဲလဲ ပြောသည့်သူကလည်းပြောသည်။ ကြားသည့်သူတို့ကလည်းကြားသည်။ အမှန်၌ ထိုဟန်ဆောင်စကားပြောသူသည် နားထောင်နေသူကို ပြောခြင်းမဟုတ်ဘဲ သူ့ကိုယ်သူ ယုံသည်ထက်ယုံစေရန် ထပ်တလဲလဲ သတိပေးနေခြင်းသာဖြစ်သည်။ အံ့သြစရာကောင်းသော သူများဖြစ်သည်။

စကားလုံးကို အသုံးပြု၍ ဆက်ဆံသည့်နေရာ၌ စကားလုံးသည် အဓိကမကျ၊ စကားလုံးများ၏ နောက်ကွယ်၌ တစ်စုံတရာရှိနေတတ်သည်။ ထိုတစ်စုံတရာကို သိခြင်း၊ သဘောပေါက်ရန်၊ ထိုသူ၏ အမူအရာကို ကြည့်လျှင်ပင်သိနိုင်ပါ၏။ ထိုသို့သော သူများကား လက်ညှိုးထိုး မလွဲနိုင်ပေ။


>>> မောင်ဈေးကွက် (ဈေးကွက်ဂျာနယ်) <<<